🎄 Holiday Season Special
एमालेले आज चुनावी घोषणापत्र सार्वजनिक गर्दै, समृद्धि र स्थिरता मुख्य एजेन्डा
काठमाडौँ । नेपाल कम्युनिष्ट पार्टी (एकीकृत मार्क्सवादी–लेनिनवादी)ले आज आफ्नो चुनावी घोषणापत्र सार्वजनिक गर्ने भएको छ । पार्टी अध्यक्ष केपी शर्मा ओलीसहित पदाधिकारीहरूले काठमाडौँमा आयोजित कार्यक्रममा घोषणापत्र सार्वजनिक गर्ने तालिका रहेको एमाले स्रोतले जनाएको छ ।
घोषणापत्रमा समृद्ध नेपाल निर्माण, सुशासन, रोजगारी सिर्जना, सामाजिक न्याय तथा संस्थागत सुधारलाई प्रमुख मुद्दाका रूपमा समेटिएको एक नेताले जानकारी दिए । आर्थिक विकासलाई तीव्रता दिन उत्पादनमुखी अर्थतन्त्र, लगानी प्रवर्द्धन र युवा रोजगारी विस्तारमा जोड दिइने बताइएको छ ।
एमालेको निष्कर्ष अनुसार मुलुकमा स्थिरता, विकास र सुशासन कायम गर्न नयाँ सत्ता समीकरण आवश्यक रहेको उल्लेख छ । राजनीतिक स्थायित्व बिना दीर्घकालीन विकास सम्भव नहुने धारणा घोषणापत्रमार्फत प्रस्तुत गरिने तयारी गरिएको छ ।
आगामी निर्वाचनमा बहुमत प्राप्त गर्ने लक्ष्यसहित चुनावी मैदानमा उत्रिएको एमालेले घोषणापत्रमार्फत स्पष्ट नीति, कार्यक्रम र कार्ययोजना सार्वजनिक गर्ने जनाएको छ । पार्टी नेतृत्वले यसपटकको निर्वाचनलाई देशको भावी दिशा निर्धारण गर्ने महत्वपूर्ण अवसरका रूपमा लिएको बताइएको छ ।
This content is sourced from khabarbreaking.com. All rights reserved. Used under fair use or with permission. Complies with copyright laws in USA, Europe, Japan, Australia, South Asia, and Nepal.
