🎄 Holiday Season Special
माउण्टेन इनर्जीको प्रस्तावित २०% बोनस शेयर स्वीकृत
काठमाडौं । माउण्टेन इनर्जी नेपाल लिमिटेडको वाह्रौं वार्षिक साधारणसभाबाट संचालक समितिबाट प्रस्तावित २१ प्रतिशत लाभांश स्वीकृत भएको छ। सोमबार ( २९ मंसिर २०८२ ) कम्पनीका अध्यक्ष प्रदिप जंग पाण्डेको अध्यक्षतामा साधारणसभा सम्पन्न भएको हो।
सभाले आ.व. २०८१/८२ को मुनाफावाट शेयरधनीहरुलाई कम्पनीको हालको चुक्ता पुँजी रु. २अर्ब ६० करोड २७ लाख १५ हजार ७०८ को २० प्रतिशत बोनस शेयर र कर प्रयोजनको लागि १.०५ प्रतिशत नगद लाभांश गरि कुल २१.०५ प्रतिशत लाभांश वितरण गर्ने संचालक समितिको प्रस्ताव पारित गरेको हो।कम्पनीको साधारणसभाले पारित गरेसंगै अब उक्त लाभांश लगानीकर्तामा वितरण हुनेछ।
त्यस्तै , सभाले अध्यक्ष पाण्डेबाट प्रस्तुत भएको आ.व. २०८१/८२ को वार्षिक प्रतिवेदन छलफल गरी पारित गरेको छ । त कम्पनीको लेखा परिक्षण प्रतिवेदन सहित २०८२ आषाढ मसान्तको वासलात, २०८१/८२ को नाफा नोक्सान हिसाव तथा नगद प्रवाह विवरण र सोही अवधिको वार्षिक वित्तिय विवरणसंग सम्बन्धित अनुसूचीहरु छलफल गरी सभाले पारित गरेको छ।
सभाले कम्पनी ऐन २०६३ को दफा १११ अनुसार यस कम्पनीको आ.व. २०८२/८३ को लागि लेखा परिक्षण गर्न लेखा परिक्षक नियुक्ती गरि निजको पारिश्रमिक तोक्ने निर्णय पनि गरेको छ । साथै सभाले प्रवन्ध पत्र तथा नियमावलीमा आवश्यक संशोधन गर्न संचालक समितिलाई अख्तियारी प्रदान गर्ने निर्णय पारित गरेको छ।
यस कम्पनीले ४२ मेगावाटको मिस्ट्री खोला र ५ मेगावाटको तादी खोला आयोजनाबाट नियमित विद्युत उत्पादन गरिरहेको छ। समीक्षा आर्थिक वर्षमा कम्पनीको कुल आय रु. १ करोड ३९ लाख २९ हजार रहेको छ।
This content is sourced from khabarbreaking.com. All rights reserved. Used under fair use or with permission. Complies with copyright laws in USA, Europe, Japan, Australia, South Asia, and Nepal.
